Bihar Board 12th Result 2026 Direct Active Link, Bihar board Inter Result 2026

bihar ka mukhyamantri kaun hai ?

Bihar ki rajniti mein is waqt ek bahut bada badlav dekhne ko mil raha hai. Google aur social media par har koi bas ek hi sawal puch raha hai— "Bihar ka mukhyamantri kaun hai?" Ya phir agla CM kaun banne wala hai?

Agar aap bhi Bihar ki rajniti mein dilchaspi rakhte hain, toh ye article aapke liye bahut important hai. Isme hum jaanyenge ki Nitish Kumar ke Rajya Sabha jaane ke baad Bihar ki kursi par kaun baithega.

Bihar Ka Mukhyamantri Kab Badlega ?

Sabse pehle aapko bata den ki Nitish Kumar abhi Bihar ke mukhyamantri hain, lekin wo 16 March 2026 ko Rajya Sabha ke liye chune gaye hain. Niyam ke mutabik, unhe 14 din ke andar Bihar Vidhan Parishad (MLC) se istifa dena hoga.

​Bihar Assembly Speaker Prem Kumar ke mutabik, Nitish Kumar ke paas 30 March 2026 tak ka samay hai apna resignation dene ke liye. Iska matlab hai ki 30 March tak Bihar ko naya mukhyamantri mil sakta hai.

Bihar Ka Naya Mukhyamantri Kaun Hoga? (Top Candidates)

Social media aur political circles mein naye CM ke naam ko lekar kaafi charcha hai. In 3 naamo par sabse zyada betting aur search ho rahi hai:

​• Samrat Choudhary: Inka naam sabse aage chal raha hai. Nitish Kumar ne apni haal hi ki rallies mein kai baar Samrat Choudhary ko aage badhaya hai, jisse saaf sanket milte hain ki wo agle CM ho sakte hain.

​• Nityanand Rai: BJP ke ek aur powerhouse leader aur Union Minister Nityanand Rai ka naam bhi race mein bana hua hai.

• ​Vijay Kumar Sinha: Deputy CM Vijay Sinha bhi ek mazboot davedar maane ja rahe hain.

Bihar Politics Mein Naya Mod

Nitish Kumar ne kaha hai ki unka sapna tha ki wo Parliament aur Bihar Legislature dono ka hissa bane, jo ab poora ho raha hai. Iske saath hi, unke bete Nishant Kumar ki entry ko lekar bhi speculative searches badh gayi hain, halanki abhi tak is par koi official confirmation nahi hai.